Boruak bawlhhlawhna ber Delhi

Delhi chu kum 2023 a khawvel khawpui zinga boruak bawlhhlawh ber tiin Swiss-based air-quality monitoring group te chuan an sawi.
Delhi khawpui capital a hmangtu India chu a thenawm bangladesh leh Pakistan tih loha most-polluted country ah pathumna a ni bawk a.
Kum 2022 atang khan India boruak chuan chhiat lam pan zelin khami kum khan India chu most-polluted ram zingah pariatna a hauh tawh a ni. Air pollution chu Indian khawpui tam tak te harsatna thlentu a ni tawh bawk a.
Mithiam te chuan industrialisation chak bawk si leh environmental law kenkawh tawk loh chu India boruak tichhe chak zualtu tiin an sawi.
India hian tun hnaiah hmasawnna tam tak hmu in mahse industrial regulation lamah a chhe hle thung a, factory te chuan pollution-control measure te an zawm tha lo va, construction pung nasa chuan pollution level a tisang bawk tih a ni.
IQAir report chuan India average PM2.5 level particulate matter lung tibuaia natna hranghrang thlen thei tu chu 54.4 micrograms per cubic metre a ni an ti a.
Khawvel pum huapin boruak 12 atanga 15 per cubic metre of PM2.5 chu hipluh atana him anga ngaih a ni a, 35 micrograms per cubic metre chin chu hrisel tawh lova ngaih a ni.
Dehi air quality chu India overall air quality aipawhin a chhe zawk a. Delhi ah hian kum tluanin boruak hrisel lo awmin a bik takin thlasik laiin a ni zual thin.
A chhan hrang hrang zingah a thenawm state te lohal vang te, industrial leh vehicular emission te, low wind speeds leh festival laia halpuah hal nasat vang te a ni deuh ber.
Nikum khan Delhi sorkar chuan ni eng emaw zah chhung chu boruak a chhiat em avangin school a kharphah hial tawh bawk a.
Hetihlai hian India hmarlama Begusari leh northeast a Guwahati chu ‘two most pulluted cities in the world’ a puan a ni bawk.
Khawvel ram zingah World Health organization (WHO) in PM2.5 guideline a siam zawm thei ram pasarih chauh an awm a. Chung zingah chuan Australia, New Zealand, Iceland leh Finland te pawh an tel.