Boruak chhe zel avangin Gurugram in thupek tichhuak ve ta

Boruak chhe zel avangin Gurugram in thupek tichhuak ve ta
Gurugram chuan boruak bawlhhlawh leh chhe zel avangin hma an la ve nghal a, thawhlehni atang khan private institution leh multinational firm te chu nimin, nilaini atang khan thu leh awm hma chu 50% in lam atanga thawh dan ngaihtuah a, kalpui turin a hriattir.
Gurugram deputy commissioner chuan he thupek hi tichhuakin, boruak bawlhhlawh leh chhe zel chu mitinin an ngeih loh leh hriselna atana him lo a nih avangin thu leh awm hma chu he thupek hi hman tur a nih thu a sawi a, boruak tha a awm theihna tura hmalaknate chu zawm zel turin mipuite a ngen bawk.
Delhi ang bawkin Gurugram hian boruak bawlhhlawh a tuar nasa hle a, Delhi leh a chhehvel boruak bawlhhlawh chhan 40% chu farm kang nasa lutuk avanga awm niin, a bak zawng chu lirthei khu leh boruak hnawng thianghlim lo vang a nih thu sorkar laipui khawchin thlirtu agency SAFAR chuan a sawi.
Punjab leh Haryana hmun thenkhatah pawh he boruak chhia hi leng zelin, khawpui chhung hmun tam tak chu chhum zing ang maiin boruak chhe leng avangin a zing chuai reng a, chung lam pawh a thim ruih reng bawk.
Boruak awm dan hian a duhawm lo lam zel a la kawk rih niin sawi a ni a, hei vang hian sorkar chuan Delhi leh a chhehvel mipuite awm dan tur a ngaihtuahna nasa tan hlawm hle a ni.