Boruaka thillem siam nana drone hmang hnem record siam

Yanbian Korean Autonomous Prefecture chuan an kum 72 tlin champha lawm nan van drone show an nei a, hetah hian Shenzhen Damoda Intelligent Control Tecnology Co., Ltd. te drone 7,598 hmangin boruak-ah milem awmze nei an siam a, boruak a multimotors/drone hmanga milem siam nana drone hmang hnem ber record an siam.
September 2020 khan Damoda hi Guinness World Records-ah an hming a lo lang tawh a, chumi tum cuan Zhuhai, China-ah drone 3,051 hmangin boruak-ah milem an siam a, mahse, he record hi khumtu an awm leh nual tawh a, tunah record thar an rawn siam ve leh ta a ni.
He event an tan hma hian drone te chu ‘take-off box’ an tih maiah an rem fel thlap a, box khatah drone 12 zel a awm a, heng drone 7,598 te control nan hian laptop pakhat chauh an hmang a, an system hmangin drone zawng zawng hi a mal te tein an control vek a ni.
Drone te chu hmun khatah din tir reng lovin an thlawk kual ve tho a, Great Wall leh dragon lem te pawh an siam a, pangpar ci khat Azalea lem leh an traditional dancer lem te pawh an siam a ni.
Record siam tur hian drone hmanga an milem siam chu second 20 tal hmuh theihin a milem nihna bo lovin a awm a ngai a, record siam nana an hman tak ber chu sakei lem niin, second 37 chhung sakei lem hi hmuh theihin a awm a ni.