Bosnia ramin tuilian leh leimin tuar nasa

Bosnia-Herzegovina ram chuan tuilian leh leimin an tuar nasa hle a, report hnuhnung berah chuan mi 18 in nunna an chan tawh.
Bosnia ramri lailia awmte chuan he khuarel chhiatna hi tuar nasa zualin, khawpui leh thingtlang inkalpawhna kawngpui tam tak a khi chat a, mahni in leh lo luahzui ngam lo tam tak an awm bawk.
Chhanchhuah hnathawktute chuan ngawrh zawkin beihpui an thlak thar reng a, hmasawn erawh a la har hle thu an sawi. Tin, chin hriat loh mihring tam tak an la awm a, leimin leh tuilian vanga chenna in chante dinhmun chu hriatthiam har tak a la nih rih thu an sawi.
Nimin thleng khan Bosnia ramah hian ruahtui a la tla nasa hle a, tuilian chim chin hi a san zel bakah, leimin hi thlen belh thei reng a nih bawk avangin mipuite chu hmun him lama insaseng turin hriattir reng an ni bawk.
Kawngpui, lei leh rel tlankawng tam tak chu ruahsur nasa vang hian khar a lo ni tawh a, tuilianin hmun tam takah a chim bawk. Hei vang hian chhanchhuah hna thawh tam tak a khaihlak phah a, lung leh lei tla nasa vangin chhiatna a awm belh zel bawk.