Thawhtan zan khan English Premier League-ah inkhel pakhat a awm a, Vitality Stadium-ah AFC Bournemouth leh West Ham United te an inkhel. Bournemouth hi an mualah an tlawm teuh hle a, hun tawp dawn hnaiah Enes Ünal goal thun hmangin tlawm an pumpelh thei hram.
Vitality Stadium-a inkhelah Bournemouth lah an mikhual West Ham te an inhnehtawk viau a, goal pawh a lut har hle. Hun rei tak chhung goal lut a awm theih loh hnuin hun tawp dawn tepah West Ham in penalty an hmu. Penalty an hmuh hi Lucas Paquetá chuan goal-ah a chantir a, minute 87-naah hmahruaina goal a thun.
Hun tawp dawn tepah goal an chhuah vangin Bournemouth hi an mualah an tlawm teuh hle. Goal an chhuah hnuin an huaisenzia an lantir a, na takin an mikhualte an nawr let nghal. Goal an chhuah atang minute thumna lekah Enes Ünal chuan mawi zetin top corner-ah free kick a chhuih goal a, an si phurh a sut. Enes Ünal goal ropui hmangin Bournemouth hian tlawm an pumpelh hram a, an mualah harsa takin point khat an hmu.
An muala tlawm pumpelh AFC Bournemouth hian parukna an luah chhunzawm zel a. Season thara bul tan tha lo West Ham United pawhin hma an sawn ve hret hret bawk.
Bournemouth in tlawm an pumpelh
Get real time updates directly on you device, subscribe now.
Prev Post