Bouzkova barakhaihtu Bogdan

Japan Open tennis tournament kal mekah Ningani khan Romanian Ana Bogdan chuan 6-0, 7-6 (5)-a No. 4 seed Marie Bouzkova of the Czech Republic hnehin quarter-final a lut a, unseeded Suzan Lamens of the Netherlands nen semi-final luh an inchuh zui leh ang.
Osaka khaw tournament-ah hian Ningani vek khan ‘upset’ dang pawh hmuh tur awmin, tualchhung player Sara Saito chuan No. 5 Elina Avensyan of Armenia lakah 7-6 (2), 6-4 hnehna changin, Australian Kimberly Birrell pawh 3-6, 7-5, 4-1-a hma a hruai laiin a tumpui leh rinkai zawk No. 3 Elise Mertens of Belgium chu hliam avangin a inhnukdawk a; seventh-seeded Diane Parry chuan 6-4, 6-2-in Belgium star Greet Minnen a hneh.
Ningbo Open lamah fourth-seeded Barbora Krejcikova of the Czech Republic chuan quarter-final lut turin Chinese home hopeful Ye-Xin Ma lakah 7-6 (5), 6-3 hnehna a chang ve bawk. Krejcikova hian final eight-ah Russian Mirra Andreeva a hmachhawn zui leh.
No. 6 Beatriz Haddad Maia pawhin inkhel dangah England player Katie Boulter chu 7-6 (2), 7-5-in a paltlang a; No. 7 Anna Kalinskaya of Russia chuan Chinese Yue Yuan lakah 6-3, 6-3 hnehna changin, Karolina Muchova of the Czech Republic pawhin minute 77 lek chhungin Romanian Jaqueline Cristian chu 6-2, 6-1-in a hneh ve bawk.