Box office-ah ‘GOAT’ a No.1
Box office-ah ‘GOAT’ a No.1
Animated film ‘GOAT’-in tun weekend kalta khan US-ah cinema hall ticket hralhna atangin dollar maktaduai 17 la lutin, box office-ah No.2 atangin No.1a kai ta a, he film hian US-ah dollar maktaduai 58.3 a la lut tling tawh a, US pawn ram 41 atangin dollar maktaduai 44 la lut tawh bawkin, a vaiin dollar maktaduai 102.3 a la lut tling ta a ni.
Emerald Fennel film direct, Margot Robbie leh Jacob Elordi te channa, Emily Bronte novel Wuthering Heights behchhana chan ‘Wuthering Heights’-in dollar maktaduai 14.2 la lut lehin No.1 atangin No.2-ah a tawlh a, tihian kar hnih chhungin US-ah dollar maktaduai 60 a la lut tling ta a, US pawnah maktaduai 91.7 a la lut tling tawh bawk.
Kristian film ‘I Can Only Imagine 2’-in dollar maktaduai 8 la lutin No.3 a ni a, a film hmasa zawk chu 2018-a tlangzarh kha niin, opening weekend sum la luhah a original a pha lo deuh tlat.
Film tlangzarh thar dang ‘How to Make a Killing’-indollar maktaduai 3.5 la lutin No.6 a ni a, he black comedy film hi Margaret Qualley, Ed Harris leh Topher Grace te channa a ni.
Baz Luhrmann kutchhuak concert documentary ‘EPiC: Elvis Presley in Concert’-in dollar maktaduai 3.25 la lutin, No.7-ah a debut a, he film hi cinema all 325-ah chauh an la tichhuak lehnghal a, a rampum huapin an la tichhuak lo nachungin top 10-ah a debut thei tho a ni. Luhrmann hi Austin Butler channa ‘Elvis’ director tho ka a ni a, e documentary-ah hian Warner Bros. archives atangin footage la tichhuah ngai loh hai chhuakin, a zawm khawm a, 70s concert film pahnih an hlamchhiah tawh pahnih atanga material a lak khawm te nen he documentary hi a khawrpum a ni.
Zootopia 2 pawh a la kaltluang viau a,dollar maktaduai 2.3 la lut lehin No.9 a la ni a, he animated film hian US-ah dollar maktaduai 423.9 a la lut tling tawh a, 2025-a film tlangzarh zingah US-a sum la lut tam pahnihna a ni pha ta a, Avatar: Fire and Ash pawhin maktaduai 1.8 la lut lehin No.10 a la ni a, he film hian kar 10 chhungin dollar tluklehdingawn 1.47 a la lut tling ta a ni.
Box office top 10:
1 GOAT $17,000,000
2 Wuthering Heights $14,200,000
3 I Can Only Imagine 2 $8,000,000
4 Crime 101 $5,772,552
5 Send Help $4,500,000
6 How to Make a Killing $3,560,617
7 EPiC: Elvis Presley in Concert $3,250,000
8 Solo Mio $2,556,550
9 Zootopia 2 $2,300,000
10 Avatar: Fire and Ash $1,800,000 $399,441,400