Pixar animated movie ‘Inside Out 2’ chuan an tlangzarh atanga weekend vawi thumna, tun weekend kalta khan North America-ah cinema hall ticket hralhna atangin dollar maktaduai 57.4 la lut lehin, a kar thum nan North American box office No.1 a ni. Hetihrual hian ‘Inside Out 2’ hian khawvel huapin cinema hall ticket hralhna atangin dollar tluklehdingawn a la lut tling tawh bawk a, kumina film tlangzarh zingah hetiang zat sum la lut thei awm chhun a la ni.
Film tlangzarh thar ‘A Quiet Place: Day One’-in opening weekend-ah dollar maktaduai 53 la lutin, No.2-ah a debut a, Michael Sarnoski direct niin, Lupita Nyong’o leh Joseph Quinn te channa a ni. He film hi dollar maktaduai 70 vel senga siam a ni a, 2018-a an tlangzarh tawh ‘A Quiet Place’ chhunzawmna niin, a film masa director John Krasinski leh a changtunu Emily Blunt te a inlan ta lo.
Kevin Costner film siam, dollar maktaduai 100 vel an senna ‘Horizon: An American Saga- Chapter One’-in beisei a pha lo a, opening weekend-ah dollar maktaduai 11 chauh a la lut nain, No.3 a la ni pha tho. He film chhunzawmna ‘orizon: An American Saga-Chapter Two’ chu August thla laihawlah an tlangzarh leh dawn bawk a ni.
Box office No.1 pawh lo ni tawh ‘Bad Boys 4’-in a weekend vawi li-naa dollar maktaduai 10.3 la lut lehin No.4 a la ni a, he film hian US-ah dollar maktaduai 165.3 la lut tawhin, US pawn ram rang hrang 66 atangin dollar maktaduai 332 a la lut taw bawk a, tihian a vaiin dollar maktaduai 462 a la lut tling ta a ni.
Indian Telegu movie ‘Kalki 2898 AD’-in opening weekend-ah dollar maktaduai 5.4 la lut theiin, No.5-ah a debut bawk. He film hi North America-ah cinema hall 1,049-ah chauh an tichhuak chung pawhin hetiang zat hi sum a la la lut thei tho a ni.
-- Advertisement --
Box office top 10:
1 Inside Out 2 – $17,100,000
2 A Quiet Place: Day One – $22,500,000
3 Bad Boys: Ride or Die – $2,880,000
4 Horizon: An American Saga – Chapter 1 $4,100,000
5 Kalki 2898 AD – $1,755,000
6 The Bikeriders – $920,000
7 The Garfield Movie
$610,000
8 Kingdom of the Planet of the Apes – $518,000
9 Jatt & Juliet 3 – $460,000
10 IF – $430,000