Box office-ah ‘Jurassic World Rebirth’ a No.1
Box office-ah ‘Jurassic World Rebirth’ a No.1
Steven Spielberg film siam, action-adventure ‘Jurassic’ film pasarihna, ‘Jurassic World Rebirth’ chu beisei aiin a cheha a, US-ah Fourth of July holiday an lo hmang bawk nen, cinema hall a lun lehzual a, tun weekend kalta khan cinema hall ticket hralhna aangin US-ah dollar maktaduai 91.5 la lutin, North American box office No.1 a ni.
July ni 4 kha US-ah Independence Day niin, chawlh a ni a, Ningani zan aangin cinema hall a lun tawh a, chuvangin ‘Jurassic World Rebirth’ hian Ningani aanga Pathianni zan thlengin US-ah cinema hall ticket hralhna aangin dollar maktauai 147.3 (weekend bikah dollar maktaduai 91.5) a la lut thei a, US pawn, ram hrang hrang 80 aangin dollar maktaduai 171 a la lut thei bawk a, tihian an tlangzarh kara a sum lak luh zawng zawng chu dollar maktaduai 318.3 a tling thei a, ‘Jurassic’ franchise-ah chuan a kar khatnaah sum la lut tam ber dawttu a la ni a, kumina film tlangzarhah chuan a kar khatnaah sum la lut tam ber a la ni bawk. ‘Jurassic World Rebirth’ siam nan hian marketting tel lovin dollar maktaduai 180 an seng.
‘Jurassic World Rebirth’-ah hian ‘Jurassic’ film-a la inlan ngai lo deuh hah an inlan a, Scarlett Johansson, Mahershala Ali leh Jonathan Bailey te an chang a, he film-ah ian original Jurassic Park a thliarkarah khan a film hmasaa an lo tlansan, thilnung mak tak tak an pung nasa leh tawh hle a, chu thliarkara thil zirchianna hmun aanga mi chhanchhuak tura an chet dan vel tarlanna a ni.
Jurassic World film hmasa pathum te khan cinema hall ticket hralhna aangin khawvel huapin dollar tluklehdingawn an la lut thei vek a, 2015-a tlangzarh Jurassic World kha opening a cheha ber niin, US-ah opening weekend-ah dollar maktaduai 208.8 a la lut thei a, 2018-a tlangzarh ‘Jurassic World: Fallen Kingdom’ chu a dawttu niin, dollar maktaduai 148 a la lut thei a, 2022-a tlangzarh ‘Jurassic World: Dominion’-in dollar maktaduai 145 la lut theiin a pathumna a ni bawk.
A film hmasa ber ‘Jurassic Park’, Steven Spielberg direct khan, June 1993-a an tlangzarh khan opening weekend-ah US-ah dollar maktaduai 47 a la lut thei a, a hunlai ngaihtuah chuan a sum lak luh hi tam tham tak a ni.
Kar kalta box office No.1, Brad Pitt channa ‘F1: The Movie’-in dollar maktaduai 26.1 la lut lehin No.2-ah a tawlh a. He film hian ni 10 chhungin US-ah dollar maktaduai 109.5 la lut tawhin, US pawnah dollar maktaduai 184.1 la lut tawh bawkin, a vaiin dollar maktaduai 293.6 a la lut tling ve tawh bawk.
Box office No.1 lo ni tawh, live-action movie ‘How to Train Your Dragon’-in dollar maktaduai 11 la lut lehin, chu No.3 a la ni a, he film pawh hian kar li chhungin US-ah dollar maktaduai 224 la lut tawhin, US pawnah dollar maktaduai 292.9 la lut tawh bawkin, a vaiin dollar maktaduai 500 a pel ve tawh bawk.
‘Elio’-in dollar maktaduai 5.7 la lut lehin No.4 a la ni a, he film hian US-ah dollar maktaduai 55.1 la lut tawhin, US pawnah maktaduai 41.7 a la lut tawh bawk.
Danny Boyle film siam ‘28 Years Later’ chu top 5 khartu niin, dollar maktaduai 4.6 la lut lehin No.5 a ni a, he film pawh hian US-ah maktaduai 60.2 a la lut tawh a, US pawna maktaduai 65.6 a la luh nen chuan khawvel huapin maktaduai 125.8 a la lut tling tawh.
Box office top 10:
1 Jurassic World Rebirth $91,500,000
2 F1: The Movie $26,060,000
3 How to Train Your Dragon $11,000,000
4 Elio $5,700,000
5 28 Years Later $4,600,000
7 Lilo & Stitch $3,800,000
6 M3GAN 2.0 $3,800,000
8 Mission: Impossible—The Final Reckoning $2,735,000
9 Materialists $1,346,705
10 This is Spinal Tap $