BPL tan RTI zawhna a thlawn Sawrkar hnathawk tan DA 4%

Mizoram sawrkar chuan BPL member tan RTI dan hmanga zawhna zawh chu a thlawnin a tih sak tawh dawn a. Sawrkar hnathawk tan dearness allowances chu kumin November atangin 4% a pek tawh turin a ti bawk. Hei hi Krismas thilpek niin a sawi.Ningani khan chief minister Lalduhoma kaihhruaiin Council of Minister an thukhawm a. An thu pawm zingah The Mizoram Right to Information Rules 2010 siamthatna chu pawm a ni a. Hetah hian below poverty line (BPL) member-te tan RTI zawhna zawh man zawng zawng a thlawn a ni tawh ang.
Mizoram State Human Rights Commission dinna tur leh hemi hnuaia thawktu tur post 16 siam dilna chu pawm a ni a.
Mizoram sawrkar hnuaia thawkte tan dearness allowances 4% pek chu pawm niin, Krismas thilpek atan November atanga pek tan turin an ti. DA pek chungchangah hian sawrkar hriattirna hmasa sutna turin cabinet thutkhawm thutlukna hmasa anga kalpui tur a ni a. A kaihhnawih department chu siamtha tura tih a ni.
Electric current hman zat chhutnaa smart meter hman tum chungchangah Advance Metering Infrastructure Service Provider (AMISP) thlan phalna pawh pawm a ni.