Brazil-ah temperature in 44.8°C hawlh

Brazil chuan record awm chin ata temperature sang ber tawngin heatwave in a tuam mek karah 44.8°C laia sang record a ni.
Temperature record hi Brazil chhim chhak lam Minas Gerais state a Aracuai khuaah siamin a awm a ni.
Brazil in khawlum turu a tawrhna chhan ber hi El Nino phenomenon leh climate change vanga ngaih a ni a. Khawchin thlir mite chuan tunkar hian temperature a zia tial tial ang an ti.
National Institute of Meteorology (Inmet) officials te chuan state capital pathum te chuan temperature 40°C hnaih an tawng ang tiin an sawi bawk a.
Agency te chuan Aracuai a 44.8°C record chuan kum 2005 a record siam tawh 44.7°C chu a khum ta a ni an ti bawk a.
Khawlum lutuk avabngin ram pumah red alert tihchhuah niin Brazil energy consumption pawh mipui tena intihdaih an tumna avangin a sang chak hle a ni.
khawlum lutuk avang hian Taylor Swift pawhin Rio de Janeiro a concert a neih tum a thulh phah a. Concert thulh thu sawi hma lawk hian a concert na pakhatah fan pakhat chu tlu in a thihphah vang a ni.
Official te chuan kumin July atangin October thla thleng khan average temperature chu historical average chunglamah hlir a awm an ti bawk a.
Climate change vangin khawvel hmun tam takah exrtreme weather a thleng zing hle a, a nasa tial tial bawk. Scientists te chuan heatwave chu a awhrei tial tiala a na tial tial bawk an ti bawk.