Brazil chhim lamah tuilian nasa hle

Southern Brazil chu tuilian nasa takin tibuaiin luituite chuan an kuang an luangliam nasa a ram zau tak chu tuiin a chim mek a ni.
Rio Grade do Sul state a tuilian hi he state in khuarel chhiatna a tawh tawha la turu ber a ni tiin official te chuan an sawi a. Mi 95 in nunna chan phah tawhin mi 130 an chin hriat lohin an awm mek bawk.
Tuilian hian mi maktaduai 1.4 te a khawihbuai a, aid workers te chuan harsatna tawk mipui te tui thianghlim in tur pekah pawh harsatna namen lo an tawk a ni.
Ruahsur nasa lutuk chuan luitui te chu an kuang luanlim tirin khawpum chim te pawh a nei a.
Rio Grande do Sul capital Porto Alegre chu tuilian tuar nasa zual zingah telin mihring maktaduai 1.3 vel chenna chu tuilian vangin tlawhpawh theihlohin a awm mek a ni.
Khawpui mipui 80% vel te chuan water treatment plan paruk lai in hna a thawh theihloh avangin running water an nei lo mek tia sawi a ni a.
Porto Alegre a cheng Suzan chuan tun ang harsatna thleng mek ang chu an la tawn ngai miahloh thu a sawi a. “Mi sang tam takin an chenna in an chan a, tunah tui intur kan nei lo leh bawk” tiin a sawi a.
City mayor chuan tui thianghlim in tur chu a tahtawla semin city officials te chuan tanker truck hmangin tui an sem bawk a. Rescue team leh aid worker te chu criminal gangs ten tibuaiin an lawng te an lo ruksak ve thung.
City authority te chuan mipui te chu lawng nei an awm a nih chaun emergency team te hman tura pe tura ngenin mi tam tak tui in a chim avanga chhanchhuah ngai an la awm tiin ngenna an siam bawk.
Brazil chhim lam tuilian avang hian mi 155,00 vel chu chenna nei lovin a siam mek a. Rio Grande do Sul governor chuan ruah a la surbelh zel dawn tiin a sawi bawk.