Brehme a boral

Germany defender ropui, World Cup 1990 a champion puitu Andreas Brehme chu kum 63 mi niin a boral.
World Cup 1990 final-ah Germany leh Argentina te chu Rome khawpuiah an inhmachhawn. Final hmuhnawm takah hian hun tawp dawn hnaih Germany in penalty an hmu a, he penalty hi defender Andreas Brehme hian a pet goal a, Germany champion na goal a thun. World Cup-a Germany champion na goal thuntu a nihna hi a larpui leh zual. Argentina laka chakna goal a thun hma hian semi-final-ah England an hnehna goal a thun tel bawk. Ram tan hian inelna hrang hrangah vawi 86 a khel a, goal riat a thun.
Brehme hi a vanglaiin 1. FC Kaiserslautern, Bayern Munich leh Inter Milan tan a khel thin a, club lian pathumte tan hian hlawhtlinna hrang hrang a chang. Defender hriat hlawh tak a ni thin a, football a chawlhsan hnuin a club hlui 1. FC Kaiserslautern leh SpVgg Unterhaching a enkawl zui leh bawk a, a hming a chher hran lo.