Brentford a bat nei Toney

Club lian leh ropui zawk Arsenal leh Chelsea in lak tuma an ngaihven England forward Ivan Toney chuan a chunga \ha em em Brenford leh manager Thomas Frank lakah bat lian tak a nei a. A bat tlak fel hmasak zet a duh thu a sawi.
Forward goal thun thei, club lian zawkte ngaihven rawn Toney hi sum inthap chungchangah thiam loh chantir a nih vangin thla riat chhung zet inkhel thei lo tura hrem a ni. Thla riat chhung zet hrem a ni a, hun khirh tak a tawn laiin a khelhna Brentford leh manager Thomas Frank ten an thlawp tlat a, an thlahthlam ngai lo. Club tan tha a thawh theih loh vang vangin hnuin Toney hian inkhel a hmachhawn leh thei dawn hnai tawh a, Brentford tan January ni 20 a\angin a inlan ve leh thei tawh dawn.
Toney hi forward hriam mamawh Arsenal nen sawizawm an ni a. EPL leh champions league a champion tum Gunners in an mamawh tak a ni. FA Cup a\anga an tlak hnuin Gunners hian Toney an mamawhna a sang leh zual sauh a ngaih a ni bawk a, forward thar lak tumin mit an len nasa nghal viau a ni. Arsenal bakah hian London club lian Chelsea pawhin lak tumin an ngaihven ve bawk. Ngaihventu nei hrawl bawk mah se Brentford-ah bat lian tak a nei a, a bat tlak phawt a duh thu a sawi. Brentford tan hna \ha tawh leh phawt a duh thu a sawi vang hian January thlaah hi chuan a chhuah a rinawm ta lo viau a ngaih a ni.
Season liam ta khan Toney hi Brentford tan a che\ha hle a, league goal 20 thunin, EPL-ah pakuana an ni hial. Season kal mekah erawh Toney tel lovin Brentford an che hleithei lova, 16-naah an awm mek. England forward Toney hian inrinni liam taah Southampton uner 23 an hmachhawn \umin minute 75 chhung a khel a, 5-1 a an chak \umin hattrick a siam. EPL a hmachhawn hunah club tan a pawimawh zia lantirin goal a thun chho zui leh tura ngaih a ni.