British Prime Minister Rishi Sunak chuan Nifel Farage kaihhruai right-wing Reform UK party supporter in racist taka a tawngkhum avangin a thinrim thu a sawi.
Sunak hi a fanu Krishna leh Anoushka te nena an awm laiin UK a South Asian te hmuhsit nana an tawngkam hman ‘Paki’ tia koh a ni.
Sunak hi Britain-in ethnic minority prime minister a neih hmasak ber a ni a. “A na a, min ti thinrim a ni. Heng tawngkam te hi awlsam te hi ka sawi nawn ngai lo. Ka sawina chhan pawh sawi chhuah loh atan chuan a pawimawh lutuk” tiin a sawi.
“Reform candidate leh campaigner tena racist, mysgynistic language te an sawi fo hi chuan Reform party a culture tur awm ang a lang nghal ruak a ni” tiin kum 44 aupa Sunak chuan a sawi.
Reform UK party leader Farage chuan Sunak auhkhumna chu ‘rapthlak’ tia sawiin a dem thu a sawi a. An campaigner Andrew Parker thusawi leh an party in inzawmna engmah an nei lo a ti bawk a. Farage chuan Parker chuan min ti thang tlawm khawp mai tia sawi bawkin a ngaihdan chu party-in kan tawmpui lo a ti bawk.
Reform UK te hian campaign nanah anti-immigration platform an hmang nasa a, inthlan beisei aia hmaa neih a nih dawn bawk avangin harsatna an tawk nasa hle.
Anti-racism organisation Hope Note Hate te chuan Reform UK chuan kumin kumtir atangin an candidate 166 lai an withdraw tawh a, a chhan ber pawh racist thila an tawngkam vang vek a ni tiin an sawi.
Sunak chuan Refork UK party vote an nih chuan Labour Party ten an hlawkpui dawn tia sawiin an tax policy avanga Labour Party te chu sawisel an ni ber bawk tiin a sawi. UK hi July 4 ah an inthlang dawn a ni.
British PM Sunak thinrim hle
Get real time updates directly on you device, subscribe now.
Prev Post
Next Post