Britney Spears biopic siam dawn

Britney Spears chuan nikum October a chanchin zëp tìt tët nei vak lova a puan chhuahna lehkhabu ‘The Woman in Me’ tih chu a lo tlangzarh tawh a, hralh pawh a kal khawp mai, tunah chuan he lehkhabu behchhan hian a film an siam leh dawn ta niin Variety chanchinbu chuan an tarlang.
An sawi dan chuan he biopic direct tur hian Jon M. Cu leh Marc Platt te an thawk dun dawn a ni. Britney Spears pawhin August ni 1 khan X-ah Platt nen ‘secret project’ an khawih thu a lo puang ve chiah bawk a, BS-i chuan, “#MacrPlatt nen secret project kan buaipui mek tih hi phur takin ka fan-te ka’n hriattir che u. Ani hi ka favorite movies…. lo ngaichang phawt teh u,” a ti.
Nikum October-a a tlangzarh ‘The Woman in Me’ lehkhabu hi a hralh tha viau a, kar khat chhungin copy maktaduai a hralh tling a, he lehkhabuah hian a lar chhuah dan te, a naupan deuh laia a ngaihzawng Justin Timberlake nena an inkar te (hetah hian Justin nena an inkawp lai hian nau a tihtlak thu te pawh a tarlang) baka a tal buai tak hnuah court-in amah enkawltu tur, a chunga thuneihna zau tak nei tura a pa a ruat a, kum 13 chhung khauh taka enkawl a nih zui tak dan te pawh tarlan a ni.