BTS Jin 2024 Olympic torch relay

BTS member Jin cuan 2024 Olympic Torch Relay-ah Olympic meichher tlan kualpuitu zinga tel chu a zam hle niin a sawi. Jin hian official relay uniform hain, minute 10 dawn chu Olympic meichher hi a tlanpui a, France-a Rue de Rivoli atanga Place du Carrousel thleng tlanpuiin, chumi hnuah meichher chu French skier Sandra Laoura hnenah a hlan chhawng ta a ni.
Engkim mai chu a kaltlang purhin a lang nain Jin chuan relay hma hian eng emaw neuh neuh te chu a awm ve niin a sawi a, meichher kengtu (torchbearer) hi 11,000 vel awmin, Greece atanga kumin Olympics neihna tur France thlenpui a ni a, Jin, kum 31, chuan, “Hetiang hun pawimawh bika tel ve theih hi inchawimawina sang tak a ni. Meichher kengtu role zahawm tak ka tihhlawhtlin theihna chhan ARMY (BTS official fandom) te support-na vangin ka lawm e. Ka lawm takzet a ni. Ka zâm lutuk a hun kal chak pawh ka ngaih hai hial a, mahse a sir vel atanga ring taka min lo au phurtu te avangin tha takin ka tlingtla thei a ni,” a ti.
Tunah chuan Jin pawh Olympics-a infiammi te lo au phur turin a inpeih ve leh tawh zawk a, Olympics Opening Ceremony hi July ni 26-ah neiin, games an tan tawh dawn a. Jin chuan, “Paris Olympics a South Korean national team tel zawng zawng ten an thawhrimna rah senga hlawhtlinna tha tak an chan theih theuh ka duhsak a, ka lo tan em em dawn a ni,” a ti bawk.
Imfiammi ten hlawhtlinna chan tuma theih tawpa an bei angin, June thlaa South Korea sipai atanga rawn chhuak leh ta Jin pawhin tan lak a, theih tawp chhuah zel a tum thu sawiin, “Kei pawh rim takin ka thawk zel ang a, ka theihna sang ber penchhuah pui zel ka tum ang,” a ti.
Olympics hi July ni 26 atanga tanin, August ni 11-ah a tiak ang a, August ni 28 atangin Paralympic Games an tan ve leh ang a, September ni 8 thleng a awh ang.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More