BTS member zinga upa ber leh an member zinga South Korean Army-a inziak lut hmasa ber Jin chuan niminpiah khan a military service zoin, South Korean army a chhuahsan ta.
Jin, kum 31, hian South Korea sorkarin an rama thalai kum 18 tling tawh te chu, kum 28 an tlin hma ngeia an ram sipaia inziak lut a, thla 18 tal sipai nunchan zir ngei ngei tura dan an neih chu a zo ta a, BTS member zinga military service zo hmasa ber a ni.
Jin hi a sipai tan laiin assistant drill instructor a ni a, a military service zo chhuak tur thlah nan Yeoncheon, Gyeonggi province-a military base-ah BTS member RM chuan an hla hit ‘Dynamite’ saxophone a tumin a thlahna hun a hmang. Jin hian beret dum khumin, sipai thuam a inbel ap a, “Inthlahna ceremony-ah hian ka hnuk a ulh hial a ni,” a ti a, “Mahse, kum khat leh a chanve chhung hun nuam tak kan hmang a. Mi duhawm tak tak nen kan intawng theia, a hahdamthlak khawp mai,” a ti bawk.
BTS agency Big Hit Music pawhin fans tan Weverse-ah thuchhuah neiin, “Jin pawhin a active service a zo dawn ta a, sipai atangin an discharge tuai ang,” an ti a, fan-te chu sipai hmun lama member te tlawh tum lo turin an ngen nghal bawk.
December 2022 khan Jin hi sipai-ah a inziak lut a, BTS member zinga sipai-a lut hmasa ber niin, tunah chuan BTS member dangte pawh sipai-ah an lut kim tawh a, June 2025-ah group anga che chhuak leh thei tura beisei an ni.
BTS Jin-a’n military service a zo ta
Get real time updates directly on you device, subscribe now.