BTS Jin debut solo album Nov.15-ah

BTS Jin debut solo album Nov.15-ah
BTS member Jin chuan a solo debut album ‘Happy’ chu November ni 15-ah a tlangzarh dawn tih a puang. He K-pop star kum 31 mi hi BTS member zinga solo album tichhuak hnuhnung ber a ni a, member dang te chuan solo album an tlangzarh vek tawh.
He album-ah hian hla paruk awmin, album-a hla te hi Jin chuan hlimna tak tak a zawn chhuahna zinkawngin a hrinchhuah te niin an sawi a, BigHit chuan thuchhuah an siamah, “Jin hian hlimna awmzia amaha a fiah dan te tlang takin a tarlang a, he album ngaithlatu te pawhin lawmna an dawn theih ngei a beisei. Happy hi a tak a, a ngaithlatu te chu hlimna a zawnna kawnga tawiawm turin a sawm a, an ni tin nunah chakna leh lawmna neih theih dan a kawhhmuh dawn a ni,” an ti.
Jin, a hming tak Kim Seokjin hi BTS member zinga upa ber niin, South Korean military-ah pawh BTS member zinga inziak lut hmasa ber a ni a, thla li vel kalta khan a sipai tan hun zoin a rawn chhuak leh tawh a, BTS member zinga sipai tang hun tur tlingtla hmasa ber a ni bawk. A sipai tan un zawh lawm nan hian fans 1,000 a kuah lawr a nih nghe nghe kha. Jin hi 2024 Olympics relay-ah meichher tlanpuitu zingah khan a tel tawh bawk.
Jin hian a solo singles chu a nei nual tawh a, 2019 khan ‘Tonight’ tih hla a tichhuak a, 2020-ah ‘Abyss,’ leh 2022-ah ‘The Astronaut’ te a tichhuak tawh a, tun weekend kalta khan a hla ‘Super Tuna’ full version a tichhuak leh bawk.