BTS live album tlangzarh dawn

BTS live album tlangzarh dawn
BTS fans tan chanchin lawmawm a awm e, an label Big Hit chuan June ni 30 khan BTS live album thar tun nipui chhungin an tlangzarh dawn tih an puang a, an live album hmasa ber tur niin, album hmingah ‘Permission to Dance On Stage – Live’ tih a ni dawn a, July ni 18-ah an tlangzarh ang. He album-ah hian BTS group-in 2021-2022 chhunga Permission to Dance On Stage tour an neih laia an hla hit hrang hrang an live-a an perform laia an record te dahkhawm a ni.
He live album-ah hian Billboard Hot 100-a No.1 kai thei ‘Dynamite’ leh ‘Butter’ te pawh an dah tel dawn a, ‘Life Goes On,’ ‘Boy With Luv (feat. Halsey)’ leh ‘ON’ te pawh a tel dawn a, hla 22 awmna album a ni ang. Hei bakah hian digital package ‘BTS Permission to Dance On Stage – Seoul’ nen a kal kawp dawn a, hetah ian RM, Jin, SUGA, j-hope, Jimin, V leh Jung Kook te March ni 13, 2022-a Olympic Stadium, Seoul-a an perform-na footage pawh a tel dawn a, interview photobook, phek 92 a chhah leh an concert beind-the-scenes awmna a tel bawk ang.
BTS Permission to Dance On Stage – Seoul hi digital code in card format-in a awm dawn a, fans ten Weverse aTangin high-difinition VOD content an hmu thei dawn a ni.
Tunah chuan BTS member SUGA pawh South Korean military aTangin a chhuak ve leh ta bawk a, BTS member zawng zawngin an sipai nunchan zir an zo kim ta a, sipai-ah thla 18 Theuh an Tan hnuah sipai aTangin an chhuak kim leh ta a ni. BTS hian 2020 khan an album ‘Be’ an tlangzarh a, chumi hnuah album thar an la nei leh ta lo a, tunah chuan tun kum nga chhunga an album hmasa ber tur live album ‘Permission to Dance On Stage – Live’ an tlangzarh dawn ta a ni.