BTS member-te an sipai \an tawp hnua an reunion vawi khatna

BTS member-te an sipai tan tawp hnua an reunion vawi khatna
BTS an rawn inlar leh tan ta. Niminpiah kan Weverse livestream-ah BTS member pasarih te chu an inlanho a, sipai atanga an chhuah hnuah an reunion vawi khatna niin, an group tana hmachhawp te pawh an puang nghal.
RM, Jin, SUGA, j-hope, Jimin, V leh Jung Kook te chu thuhoin, an fans, ARMY-te chibai an buk a, fiamthu te thawhin hlim takin an nuiho a, “Kumtharah BTS album thar kan tlangzarh dawn e,” an ti bawk.
Tun thla atangin BTS member pasarih te hian rimawi thar an buaipuiho nghal dawn tih an puang a, “Group album tur a nih avangin member tin te duhdan leh idea pholang thei tur a ni ang. Album atan hian bul kan tan lai ang thoin rilru hmun khat kan pu a ni,” an ti.
BTS member-te chuan 2026-ah tour neih an tum thu sawiin, “Kan album thar tur bakah world tour neih kan tum bawk a. Khawvel hmun hrang hrang a fan-te kan tlawh ang a, keini ang bawkin nangni pawh inphur ve ngeiin kan ring,” an ti bawk.
BTS fan-te duhthusam leh nghahhlelh chu a thleng thei dawn ta. BTS member zingah Jin chu South Korean military-a inziak lut hmasa ber niin, December 2022-ah a lut a, chuta tang chuan fans lamin an reunion hun tur hi nghakhlel takin an thlir nghal thup. Sipaiah hian an luh dan a indawt deuh zut a, chutiang bawkin an chhuah hun pawh a inang lo hlawm a, thla 18 theuh sipaia an tan hnuah June thla khan an sipai tan hun chhung an zo kim ta a ni.