BTS ‘Swim’ a la lar ber

BTS ‘Swim’ a la lar ber
BTS hla hit ‘Swim’ chu Billboard Global 200 chart-ah a No.1 a, he chart-ah hian a zawnin kar hnih a No.1 ta. He hla hi kar kalta chart-ah khan No.1-ah a debut a, he chart-a BTS hla No.1 kai thei pariatna a ni. Hetihrual hian Tame Impala leh Jennie ‘Dracula’ pawh top 10-ah a debut.
Billboard Global 200 chart hi kar khat chhunga khawvel huapa hla lar dan tehna niin, chart ranking siam nan hian kar khat chhunga ram hrang hrang 200 chuanga official-only stream (subscription leh ad-supported audio leh video music services) leh download sales te chu tehna pawimawh a ni.
BTS ‘Swim’ hian kar khat chhungin stream maktaduai 106.3 leh download sales 1,14,000 a la nei thei a, hei hi a kar hnih nan chart-ah a No.1 pui leh ta a ni. He hla hi an album thar ‘ARIRANG’ atanga an lead single niin, a album hi Billboard 200 (US albums) chart-ah No.1 niin, ‘Swim’ hi Billboard Hot 100 (US singles) chart-ah a No.1 bawk.
BTS hla dang ARIRANG album ami bawk ‘Body to Body’ chu No.2-ah bawk a la awm a, Dominic Fike ‘Babydoll’ chu No.12 atangin No.3 a kai thar leh ta bawk.
Tame Impala leh JENNIE “Dracula”-in stream maktaduai 42 leh sales 3,000 neiin, No.16 atangin No.4-ah a invawrh. He hla hi nikum October khan Tame Impala solo angin a lo tichhuak tawh a, a duet version hi kumin February thla tir khan an tichhuak leh ta a ni. Tame Impala tan he chart top 10-a a lan vawi khatna niin, JENNIE tan soloist angin a vawi ngana a ni a, BLACKPINK angin JENNIE hi chart top 10-a vawi nga dang a lang tawh bawk bawk. JENNIE hi BLACKPINK member zinga soloist anga he chart top 10-a hla ngah ber a ni a, member dang LISA (3), ROSE (2) leh Jisoo(1) te pawhin soloist angin chart top 10 kai thei hla an nei theuh tawh bawk.
Chart No.1 hlui PinkPantheress leh Zara Larsson ‘Stateside’ chu No.10 atangin No.5 a kai thar leh ta bawk.
Billboard Global 200
Top 10:
1 Swim – BTS
2 Body To Body – BTS
3 Babydoll – Dominic Fike
4 Dracula – Tame Impala & JENNIE
5 Stateside – PinkPantheress With Zara Larsson
6 Man I Need – Olivia Dean
7 Golden – HUNTR/X: EJAE, Audrey Nuna & REI AMI
8 Ordinary – Alex Warren
9 The Fate Of Ophelia – Taylor Swift
10 Hooligan – BTS