BTS V ‘Slow Dancing’ version thar tichhuak

BTS member V solo single ‘Slow Dancing’ i lo tuipui viau tawh a ni mai thei a, tun tum chu a version thar, phenglawng, keybiard leh drums ringawt hmanga an rem an rawn tichhuak tlat mai. V hian ‘Slow Dancing’ hi a remix thar chi hnih a rawn tichhuak e.
A hmasa zawk ‘Slow Dancing (FRNK Remix)’-ah chuan a hla an tirang deuh a, lam pawh rem deuh zawk. A music video thar pawh a chhuak nghal a, a video-ah chuan V lam zir lai leh hotel a a awm lai te pawh a lang.
A pahnihna chu ‘Slow Dancing (Cautious Clay Remix)’ a ni ve thung a, V aw an la chhuak a, phenglawng an dah langsar ve thung, a instrumental a mawi narawh e!
V hian hla paruk awmna ‘Layover’ chu September ni 8 khan a tlangzarh tawh a, hetah hian ‘Slow Dancing’ pawh hi awmin, Billboard Hot 100-ah No.51-ah a debut a, hla dang “Rainy Days,” “Blue,” “Love Me Again,” “For Us” leh “Slow Dancing” piano version a awm bawk.