Nimin khan ZPM Gen. Hqrs chuan heti hian thuchhuah an siam a. “Godown lama thawkte leh retailer ten buhfai buk dik taka an pek chhuah tak avangin March 2025 khan 7,566.61 quintals lai chu Sorkarin a hum thei ta a, a pawisa chuan a hlutna hi Rs 2.2 crore chuang zet a ni. Thlakhatah buhfai mipui khul tur hi 97,439.63 quintals mamawh thin a ni a, March 2025 thlaa buhfai saving 7,566.61 a awm theih avang hian April 2025 quota ngaihtuah belh ngai chu 89,873.02 quintals-ah a tla hniam thei…” tiin.
He thuchhuah atanga thil lo lang ta chu: “Tunhma khan buhfai Godown lama thawkte leh buhfai Retailer-te khan buhfai an lo buk dik lo nasa hle” tih a ni. ‘Buhfai buk dik lo’ han tih hian, ‘buhfai rih zawng tur aia zang zawk’ a kawk a. Buhfai Godown-a thawkte leh buhfai Retailer-te hian, buhfai an buk apiangin mipui chanpual tur an lo la hek zel a, chutianga an lak hek tlingkhawm chu quintals 7,566.61 a tling ta, tihna a ni ber awm e. A tam tham hle. A Kg zawng chuan 7,56,661 Kgs (Nuai 7.5) tihna a ni. Chu chu thla khat quota atanga bothlau a nih chu. Kum khat chhunga bothlau tur chu quintals 90,799.32 (7566.61X12) tihna a ni a, a Kg zawng chuan Kg Nuai 90.79 (90,79,932kgs) ‘vel’ tihna a ni. (Thla tina bothlau zat hi a inang thlap thlap dawn lova, chuvangin ‘vel’ tia sawi a ngai ang).
Tuna kalphung thar hnuaiah hian, Card var buhfai man Rs 15 ni thin kha Rs 30 a lo nih tak achinah hian, mahni quota la lo an tam phah ta hle a, hei vang ringawt pawh hian FCI-a thla tin buhfai quota kan lak thin pawh nasa takin a kiam phah ang tih a chiang a; mahni quota lak loh avanga buhfai chuang thin ta pawh hi a tam tham hlein a rinawm bawk.
Khiti zat buk dik loh avanga mipui chanai a riral thin leh, hetiang zat buhfai riral thin hlutna cheng tam tak sawrkarin a lo seng thlawn ziah thin a nih chuan, Godown staff-te leh retailer-te kha eiruk thubuai awrh thei reng an lo ni dawn tihna a ni awm e.
Buhfai buk dik loh vanga bo thlau qtls 7,566.61?
Get real time updates directly on you device, subscribe now.
Next Post