Bungraw phurtute tlan ngam dawn lo

Bungraw phurtute tlan ngam dawn lo
Mizoramin bungrua leh ni tin mamawh a lakluhna kawng pawimawh, Buichali leh Sairang inkar kawng a chhiat em avangin, a chhe zual lai tal siam a nih loh chuan May ni 23 atangin truck an tlan ngam dawn lo.
May ni 16 khan Mizoram Truck Owners Association leh Mizoram Truck Drivers Association hruaitute an thukhawm a, Buichali leh Sairang inkar kawng chhe lutukah truck a tluk tak nual avangin a chhe zual hmun 3/4 tal hi hnawh hram turin thuneitute kan ngen, an ti.
“Dt 23rd May 2025 (Friday) thlenga kutthlak a nih loh chuan bungraw phur truck kan tlan ngam dawn lo tih kan puang a, eibar leh ni tin mamawh a lo buai deuh a nih pawhin mipui hriatthiamna kan dil e,” tiin thuchhuah an siam.