Bus chetsualna avangin mi 12-in nunna chan

Bus chetsualna avangin mi 12-in nunna chan
Rajasthan-ah bus chetsualna lian tak thlengin mi 12 in nunna an chan a, mi 41 in hliam an tuar bawk.
He bus chetsual hun hi tunkar laihawl kha niin, mimal bus a nih thu sawi a ni a, Sikar district huamchhunga thleng niin, motor dang a sut bakah bang a sut bawk avangin chhiatna pawh hi a nasa nia sawi a ni.
Hliam tuarte hi Laxmangarh leh Sikar damdawiinah te dah luh hlawm niin, hliam na zual pasarihte chu state khawpui Jaipur panpui an ni a, an chetsualna hmun atang hian km 150 kal ngai a ni.
Mita hmutute sawi danin bus a chuangte hi festival pakhata kal turte niin, mi 50 chuang an chuang nia sawi a ni a, motor dang leh bang a sut zui bawk avangin hliam tuar leh nunna chan pawh hi an tam phah niin an sawi.
Rajasthan minister Sumit Godar chuan mitthi chhungte hi sorkar in cheng nuai 5 a a ral tur thu a sawi bawk.