Aizawl Municipal huamchhunga Ward No. XIX corporator seat ruak leh Sakawrtuichhun Local Council-a seat khat ruak hnawhkhahna atana by election-a hman tur electoral roll ennawn chu Thawhlehni khan addl DC Aizawl Lalnunmawii’n a tlangzarh.
AMC Ward No. XIX corporator chu 2023 MLA inthlanah a tlin avangin a corporator seat hi a kalsan a. Sakawrtuichhun Local Council-a member pakhat chu a thi bawk. Heng seat ruak hnawhkhat tur hian State Election Commission Mizoram thuchhuak angin by-election neih a ni dawn a. Chumia hman tur AMC/ Local Councils Electoral Rolls Summary Revision 2024 chu a tehfung atan, 2024 April 1-a kum 18 tling chin hmanga neih a ni.
Final electoral roll-ah hian AMC Ward No. XIX ah voter 13344 an awm a. Draft roll-ah voter 13172 niin, 1.31% in a pung. Sakawrtuichhun LC-ah voter 1665 awmin, draft roll-ah 1636 an ni a, 1.77% in a pung.
By election neih hun tur hi State Election Commission hian hriattirna a la tichhuak leh dawn a ni.
By election atan e-roll tichhuak
Get real time updates directly on you device, subscribe now.
Next Post