CADC electoral roll thar tichuak
Chakma Autonomous District Council (CADC) a Member of District Council (MDC) inthlanpui buatsaih tura hman tur final electoral roll chu Nilaini khan Lawngtlai assistant district election officer Abraham Beirazi Khithie chuan Chawngte-ah a tlangzarh a. Final electoral roll hi political party aiawhte hnenah a hlan nghal.
CADC final electoral roll-a a lan danin, MDC inthlanpuia vote nei thei mipa 18208 leh hmeichhia 17677, an vaiin 35885 an awm a. Draft roll atangin voter 587-in an pung a ni.
MDC bial 20 awmah Kamalanagar ‘N’ constituency chu voter tamna ber niin, mipa 1750 leh hmeichhia 1783, a vaiin voter 3533 an awm a. Fultuli constituency chu voter tlemna ber niin, mipa 677 leh hmeichhia 628, a vaiin 1305 an awm.
Polling station 70 awm zingah Ugudasury ‘S’ Polling Station-ah voter 1051 awmin, polling station malkhaia voter tam berna a ni a. Charluitlang Polling Station-ah voter 144 awmin, voter tlemna ber a ni.
CADC electoral roll thar tichuak
Get real time updates directly on you device, subscribe now.
Prev Post
Next Post