CADC inthlan buaipuitute thukhawm
Chakma Autonomous District Council (CADC) a Member of District Council (MDC) inthlanpui neih turah Nilaini khan Lawngtlai bawrhsap, district election officer David Lalthantluanga hoin thutkhawm a ni a. Inthlan chungchanga hriat tur pawimawh inhrilhfiah niin, inthlan felfai leh muanawm tak a awm theihna’na hmalak dan tur sawi ho a ni.
Thutkhawmah hian election official-te, LADC leh CADC-a executive secretary-te, state sawrkar department hrang hrang official-te, BRTF aiawh leh mobile service provider-te an tel a. CADC inthlanpui neih tura thil pawimawh inhrilhfiah niin, inthlan fel leh muanawm tak a awm theihna’na department leh agency hrang hrang mawhphurhna leh tih tur insem a ni a, hma lak dan tur sawi ho nghal a ni.
CADC MDC inthlanpui hi State Election Commission chuan May 9-a neih turin a ruahman a. May 11-ah vote tlate chhiar a ni ang. Inthlan puan ni – April 17 atang khan CADC huamchhungah model code of conduct pawh hman nghal a ni.
CADC-ah hian MDC constituency 20 awmin, polling station 70 a awm a. Vote nei mipa 18208 leh hmeichhia 17677, an vaiin mi 35885 an awm.
CADC inthlan buaipuitute thukhawm
Get real time updates directly on you device, subscribe now.
Next Post