Cambodia-ah Hun Sen bawk

Cambodia a hun rei tak hruaitu ni tawh chuan Pathianni a inthlanna neihah a party te chu a chakpui dawn chiangsa anga ngaih a ni a, a chhan ber pawh amah eltu tur ber an awm lo.
Cambodian People’s Party (CPP) te chuan parliament seat 125 chu an hui vek rin a ni a.
Hun Sen chuan kum 38 thuneihna chang tawhin party amah el thei pangngai an awm lo va, opposition party lian ber te chu May thla khan disqualified-in an awm tawh vang a ni a. Sawiseltute chuan inthlan chu intihderna mai mai an tihsak.
“Rigged election a ni a, a chhan pawh opposotion party tak tak an awm lo” tiin voter pakhat chuan Phnom Penh-ah a sawi a.
Khawthlang ram te US pawh telin inthlan chungchangah ngaihthatlohna an neih thu an sawi a. Mipuite chuan duhthlan tur tak tak an nei lo a ni.
Hun Sen ber chuan Pathianni zing khan vote thlakin kum 38 lai thuneihnaa chan tawh chu inthlan zawhah a fapa upa ber Hun Manet hnenah hlanchhawn a tum ti sawi a ni a. Hun Manet hi military chief niin tun inthlanah pawh a pa aiawha campaign ber a ni.
Opposition lawmaker te chuan a hmain tharum hmanga beih an nih thu an sawi thu Human Rights Watch te chuan an sawi a, sorkar chuan vauin leh manin inthlan hma in opposition te chu a sawisa an ti.
May thla khan sorkar chuan main oppositin party Candellight Party te chu inthlana an chuh a remti lo va. National Election Commission chuan paperwork tihfel loh an neih avangin an tel a remti lo a ni.
Candlelight te hian nikum inthlanah 22% vote hmuin hei vang hian Hun Sen chuan a thuneihna atana pawi theiah a ngai tiin analysts te chuan an sawi a. Hun Sen hian a thuneihna nasa zawkin a sawhnghet zel tiin an sawi bawk.
Kumin kum tir lam khan opposition hruaitu lawk Kem Sokha chu kum 27 lung in tang tura tih niin ram phatsantu tiin thiamloh chantir a ni a. Hun en chuan democratic institution te chu namnul tumin chet a la nasa an ti bawk.
Kum 2018 inthlanah pawh khan hun Sen party Cambodian People’s Party te chuan National Assembly seat 125 awmah main opposition alliance te chu court-in a thiah avangin seat an an la vek tawh bawk.
Kumin inthlanah hian party pasarihin chuh vein mahse tereuh te te awm ze nei pha lo vek leh ruling party te nena inzawmna nei te an ni hlawm.
Campaign a neihnaah Hun Sen chuan thuneihna chu a fapa upa ber Royal Cambodian Army enkawl mektu Han Manet hnenah a hlan tawh mai theih thu a lo sawi tawh thung a. Tun inthlan hi Han Manet an a chuh hmaska ber a ni bawk.