Camila Cabello ‘Never Be the Same’-in Spotify 1B stream kai

Camila Cabello ‘Never Be the Same’-in Spotify 1B stream kai
Rimawi khawvel kalphung a inher danglam nasa a, tunah chuan streaming chu rimawi tana market lian pawimawh a ni tawh a, album an tlangzarh pawhin a album tak tak hralhna aiin streaming aanga album hralhna tlukpui hi a tam zawk deuh zel tawh a, chuvangin zaithiam te hla lar dan tehna atan pawh streaming hi tehna pawimawh a pakhat tawh a, vawi tluklehdingawn stream hlawh thei hla neih te pawh zaithiam te tan mellung pawimawh a ni ta zel.
Streaming service hrang hrang a awm a, chu zinga khawvel huapa lian berte zinga mi Spotify a vawi tluklehdingawn stream kai thei hla neih theih hi zaithiam te tan a ropui riau tawh. Camila Cabello hla hit ‘Never Be the Same’ pawhin Spotify-ah vawi tluklehdingawn stream a kai ta a, he streaming service-a Camila Cabello hla hetiang zat stream kai thei palina a ni.
‘Never Be the Same’ hi 2018-ah a tihchhuah kha niin, kum sarih chhungin he mellung hi a thleng thei ta a ni. Camila chuan Instagram-ah hemi chungchang hi post-in, “Never be the same chu ka hla Billion Stream kai thei palina a ni ta!” a ti a, piano tuma he hla a sa lai video a dah tel bawk.
He hla hi a self-titled debut solo album ‘Camila’ tih aanga a single pahnihna a ni a, a hla hit ‘Havana’ featuring Young Thug a chhut zuina kha niin, Billboard Hot 100 (singles) chart-ah No.6 a kai a, he chart-a a hla top 10 kai thei pahnihna a ni.
Camila hla dang, Spotify-a vawi tluklehdingawn stream kai thei te chu- ‘Havana’ bakah a ngaihzawng hlui Shawn Mendes nena an zai dunna, ‘Senorita,’ leh 2022-a a album ‘Familia’ a hla, Ed Sheeran nena an zai dunna ‘Bam Bam’ te an ni