Canada ramah Russell chak ve hlawl!

Canada ramah Russell chak ve hlawl!
Pathianni khan Montreal, Quebec-a Circuit Gilles Villeneuve-ah Formula One Canadian Grand Prix an tlan a, kumina chetha mar McLaren driver-te chetsual hlawkpuiin Mercedes driver George Russell chuan lawmman semna dawhsana ding chungin race hnehna trophy a chawi.
Tun kha season kal laia Mercedes-in Formula One race hnehna an chan vawikhatna niin, season kal laia vawi nga chak tawh McLaren driver Oscar Piastri chuan podium lawnkai zo lo tawk chiahin palina dinhmun a luah a, championship standing lamah erawh hma Pathianni Canada ram intlansiaka tlan chhuak zo lo a team-mate Lando Norris lakah point 22-in hma a hruai fal ta.
Red Bull khalhtu Max Verstappen kha Montreal tlankawng Circuit Gilles Villeneuve-a F1 race hnuhnung vawi thumah a chak fai vek kha a ni a, Pathianni intlansiakah pawh beiseiawm takin inlan leh mah se he tlankawnga vawi li chak zawn a tumna leh beiseina erawh Briton Russell chuan a dansak a, pahnihnaah a thleng.
Pathumna chu Russell-a team-mate Kimi Antonelli niin, he Italian rookie kum 18 mi tan hian F1 podium a lawnkai vawi khatna a ni.