Car pathum a\angin meth leh heroin man

Mizoram Police CID (SB) team chuan September 16 & 17 khan Aizawl dai leh chhungah methamphetamine leh heroin tam tham tak an man a, private car pathuma uluk taka thuhruk an manchhuah a ni.
An thudawn bawhzuiin Thawhtanni zan dar 10.00 vel khan Hualngohmunah lirthei pahnih tidingin, Renault Kwid car MZ01 N 3642 kawngkhar chhung lama thuhruk Methamphetamine kg 32.013 (tel 32) a rit leh heroin gram 249 (bawm 21) a rit an man a. Lirthei khalhtu hi Lalthansiama (26) Khawmawi Myanmar inti a ni.
Datsun RediGo car MZ02 A 9053 kawngkhar chhung lama thuhruk bawk methamphetamine kg 8.021 (tel 8) a rit
leh heroin gram 565 (bawm 47) a rit an man bawk a, lirthei khalhtu hi Zoremmawia (23) Khawmawi Myanmar, tuna Muanna Veng Aizawla cheng nia inchhal a ni.
Lirthei dang, i10 Magna car MZ01 G 5672 chu Hualngohmunah hian ding loin a tlantlang hman a, umzui zelin Thawhlehni zing dar 1.00 vel khan Muanna Veng Zuangtuiah man a ni a; lirthei dap a nih hnuah heroin kg 2.284 (bawm 196) a rit an man leh bawk. Lirthei khalhtu David, Zokhawthar nia hriat chu bibo hmanin, he lirthei a chuang leh a khalh chhawktu nia hriat, kum tling lo pakhat chu thu zawhfiah tura lak a ni.
Hmun hniha CID (SB) Team chetchhuahnaah hian a vaiin methamphetamine kg 40.034 leh heroin kg 3.098 chu mi pathum hnen a\angin man a ni a. Special Narcotics Police Station kuta hlan an ni a, ruihhlo kaihhnawih bakah Foreigners Act hmanga thubuai siamsak an ni.