Car rental pawlin CM adviser ban phut CM adviser-in dan anga hma lak a tum

Lok Sabha inthlan atana election official-te tana car rental hman (hire) a nih danah adviser to chief minister TBC Lalvenchhunga, MLA chu a inrawlh ngei nia an hriat thu car rental intelkhawmna pawl chuan sawiin, ban a nih theih nan sawrkarin hma la turin an phut tih an sawi. Hetihlai hian an puh bera hian thu dik loa puh a nih avangin dan anga hma lak zui a tum thu a sawi thung.
All Mizoram Car Rental Association (AMCRA) chuan resolution siamin, Lok Sabha inthlan atana official duty-te tana car rental hman chungchangah AMCRA kaltlangin lirthei hi hman (demand) a ni loa, an pawl member pawh ni duh lo TBC Car Rental chauh koh a ni, tiin, TBC Car Rental neitu unaupa, adviser to CM hian a thuneihna dik lo takin a hmang tangkai niin an sawi a. He thilah hian Protocol officer hlui pawh a inrawlh ngei nia an hriat thu an sawi bawk.
Mizorama sawrkar an hrawn tawh zingah election official-te tana car rental hman chungchangah tunhmain thil fel lo ala awm ngai lo tih an sawi a. Hetiang buaina hi Mizoram sawkar hnuaiah an vawikhat hriatna leh tawnna a ni, tiin, ZPM sawrkar chu an MLA, adviser to CM-in a vua leh vangte vulh nana a thuneihna dik lo taka a hmangsual chu an dem tih an sawi.
‘MLA ni tlakah kan ngai loa, ZPM sawrkar hian a ministry timualphotu TBC Lalvenchhunga hi ban a nih theih nan chak takin hma la nghal rawh se,’ AMCRA chuan a ti.
Election official-te rental car an hman hi TBC Car Rental vek a ni tih an sawi a. District hrang hranga DC-ten inthlan kaihhnawiha mimal lirthei an hman leh tuna TBC Car Rental motor an hman zawng zawng chu titawp (call off) a, AMCRA kaltlangin lirthei hi hman ni an duh tih an sawi a ni.
‘Rental car permit pe chhuaktu STA thu zawm duh loa, All Mizoram Car Rental Association member pawh ni duhlo TBC Car Rental operator hi STA duh dan a zah loh avang leh, a pawisak loh avangin car rental permit holder ni tlakah kan ngai loa, sawrkar (State Transport Authority) hian a permit cancel sak se,’ an ti bawk.
An resolution hi chief minister leh Transport minister hnenah ziakin an thlen tih an sawi a. An ngenna hi 2024 April 10 ralhmaa tihhlawhtlin sak turin an ngen a, a hlawhtling lo a nih chuan a tul anga hma lak zel an tum tih an sawi.
Hetihlai hian TBC Lalvenchhunga hian thuchhuah siamin, official duty-te tana car rental hman a nih chungchangah thuneihna dik lo taka hmang leh mimal hamthatna atana hmang anga puh a ni chu ngawihbo pui chi nia a hriat loh thu sawiin, ‘Hetianga dik lo taka inpuhna leh intihhmingchhiatna chungchangah hian dan hmanga hma lak a ni ang,’ a ti.
kalkan thin an ni,” Zosangzuali Pachuau hian a ti bawk.
MPSC chairman JC Ramthanga chuan exam leh thil dang dangah MPSC chu theihtawpin a siamthat hna an thawk ve tih a sawi a. Sawrkar pawhin Commission hnathawh dan tur hi a duh tui deuh deuh a, secretary post pawh IAS cadre post ni tawh turin notification a tichhuak tawh tih a sawi.
MZP-in a ban an phutna chungchanga zawhnaah, chuti zawngin a ngaihtuah loh thu a sawi a. “MPSC hi a rintlak a, rintlakin hna kan thawk zel dawn a ni,” a ti.
MCS (Combined) Exam 2023 a mark pek dana lungawilote hi mi pahnih niin, Gauhati High Court Aizawl Bench-ah writ petition an thehlut tiin zawhna an chhang bawk.
MSSSB hna thawh chin an kuta dahlet leh chungchanga chief minister-in a sawichhuah dan zawhna chu sawiin JC Ramthanga chuan, chief minister nen hian phone-in an inbia a, constitutional body an nih angin sawrkarin ti tura a tih ang chu ti mai tur an ni a, thuam chak erawh a ngai a, chumi tur chuan an mamawh ang chu a sawi tih a sawi a ni.