Cardi B-i’n nau nei

Cardi B-i’n nau nei
Cardi B chuan a hla ‘Hello’ soundtrack Instagram video post-in a caption-ah, “Ka khawvelah nau thar a piang e,” tiin a fa neih thuthar a puang. Naute pa hi a ngaihzawng Stefon Diggs a ni.
Cardi hian a pasal hlui Offset nen fa pathum- Kulture, kum 7, Wave, kum 4 leh Blossom, kum 1 a lo nei tawh a, Stefon nena an fa hi a palina a ni.
Cardi B chuan, “Ka nunah hian thil chi hrang hrang a thleng zut zut a ni ber mai. Ka thil tawn hnuhnung ber chu bung thar intanna a ni ta. Bul tan that leh hi thil awlsam a ni ngai lo nain, a manhla thin a ni. Hla leh album thar te khawvel tan ka chhawpchhuak a! Ka tan naute thar a lo piang ve thung a, keimaha a tha ber ka lanchhuah tulna chhan tur a pung leh ta a, ka faten hmangaihna leh nun duhawm zawk an neih theih nana thildang zawng aia mahni inhmangaih a tul thar lehna chhan pakhat a ni bawk. Ka nuna bung thar chu Keimah vs. Keimah a ni ber e,” a ti.
Basketballer Stefon Diggs hi New England Patriots player niin, kumin May thla khan langsar takin Cardi nen hian an inzui tan a, September thla khan Cardi hian a ruaklo tih a puang zui a, tunah chuan fapa a nei leh ta der mai a ni.