CBI-in kumtling lo khuaikhem lai video thehdarhtute an man
CBI-in kumtling lo khuaikhem
lai video thehdarhtute an man
Central Bureau of Investigation chuan tunhnai khan Aizawlah Mizo pakhat chu kumtling lo a khuaikhem lai video a thehdarh kaihhnawihah an man.
Thudawn danin, hemi hi a khuaikhem kumtling lo hmeichhia chhungte lamin police-ah report thehlut lo mah se, mipui vantlang hmuh theih internet website-ah video/thlalak a dahchhuah avangin INTERPOL chuan khawvel puma kumtling lo laka hursualna thleng thei an vilna – International Child Sexual Exploitation (ICSE) leh Google atangin Cyber Tipline Reports (CTRs) khawl atangin an lo hmu fuh a. India sawrkar Ministry of Home Affairs hnuaia Indian Cyber Crime Coordination Centre (I4C) a rawn hriattir hnu ah CBI hian an bawhzui ta a ni.
CBI hi Mizoramah rawn kal nghalin, he thila inhnamhnawih nia hriat Aizawl ami Lalrampana tih chu an rawn man a, an chenna in an dapnaah finfiahna atana hman theih tur video a thehdarhna hmanrua nen man tel niin, kumtling lo naupang pawh hi hriat a ni tawh niin thu dawn a ni.
CBI chhui chinah hemi hian naupang hi a video siamna atan hian a vau nia sawi a ni bawk.