CD Ratio 60% phak loh chhan zawt

CD Ratio 60% phak loh chhan zawt
Champhai district-a bank ho zingah credit deposit ratio zaa 60 nei tling lo chu an tlin loh chhan zawhfiah an ni a, tih that tum tura chah an ni.
District Consultative Committee, District Level Review Committee leh District Level Security Committee Champhai chu an chairman, bawrhsap Mohammad Aaquib hoin October – December 2025 chhunga bank hnathawh dan leh hmalakna hrang hrang endikin Thawhlehni khan an thukhawm a. Bank an invenhim dan endik niin, Mizoram Rural Bank Ruantlang Branch chu security guard an neih theih dan ngaihtuah tura hrilh an ni.
CD Ratio zaa 60 pha lo hrang hrang hnen atangin a chhan zawhfiah a ni a. Tihthatna atan Financial Literacy Campaign (FLC) neih hnem a tul tih sawi niin, bank manager-te FLC nei hnem tura chah an ni a, quarter khatah tum thum tal nei tura hriattir an ni.
Agriculture, horticulture, animal husbandry leh social security hnuaiah loan pek chhuah zat endik a ni a, bank hrang hrang tihthatna leh hmasawn ngaihna tarlan a ni bawk.