Mizorama cement man tih to thutah tihniam leh tura an ngenna company thenkhatin an zawm lai a, zawm ve thei an awm chu Mizoramah sumdawng ve lo mai turin an chah tih Mizo Students’ Union chuan an sawi.
MSU Gen. Hqrs thuchhuak chuan, Mizorama cement man to lutuk chungchanga hma a lakna kalzelah October 28 khan darkar 72 chhunga company-te Rs.10-a cement bag khat man tihniam tura a ngenna thutkhawm hnuhnung neih a ni a. Mizorama cement company 8 atangin thutkhawm hmasaka tel zinga pathum an tel loa, mipui MSU ngenna chu Valley Strong, Dalmia leh Max ten zahawm tiin, tunhnaia kawng chhia avangin a phurh man leh tuialhthei man to avangin Rs.5-in billing price an tihniam a, Valley Strong-in dealer discount Rs.10 an pe tih a sawi bawk.
MSU thuchhuah tawh angin Mizo mipui harsatna tinep tura cement man tihniam tura hmalakna kawnga MSU ngenna tihlawhtling ve thei lote chu Mizorama sumdawng ve lo mai turin an hriattir nawn tih sawiin, company leh CNF ngenna angin anmahni kaltlang loa cement lalut thin sumdawngte pawh Mizo mipui harsatna thlen zawnga hma la lo turin MSU chuan a hriattir tih a sawi a ni.
Cement man tihniam thei lo te sumdawng ve lo mai turin chah
Get real time updates directly on you device, subscribe now.
Prev Post
Next Post