Central YMA-in kawng siam tlawh an tum

Central YMA-in kawng siam tlawh an tum
Kum 2025- 2027 term atana Central YMA Central Executive Committee hmasaber chu Thawhtanni zan khan an thukhawm.
Thutkhawm kaihruaitu Central YMA president R Lalngheta chuan YMA hruai hna chu taimak chhuah ngai, teirei peih ngai a ni, tiin, CEC member-te chu inpekna thuk tak nei turin a chah.
Sakawrdai-a YMA Inkhawmpui lian hman zawh tak thlirlet a ni a. Inkhawmpui lian hlawhtling tak leh programme tluang leh felfai taka hman a ni a; inkhawmpui thlengtu Sakawrdai khua inbuatsaihna a tha tih sawi a ni tih sawi niin, inkhawmpui thlengtu Sakawrdai mipui leh YMA member zawng zawng chungah lawmthu a sawi.
Thurel zingah kum hnih chhunga Central YMA hnuaia Sub Committee hrang hrang member tur Aizawl khawpui chhung branch tin atangin member pathum zel lakkhawm nise an ti.
Mizoram châk lakna kawngpui Sairang – Vairengte inkar kawng chhia leh siam mek chu November 8 hian a hmuna tlawh a, thil awmdan thlithlai a, a tul anga hma lak zui nise tia rel ani.
November 12-a Central Coordination Committee (CCC) thutkhawm neih tur an thlir lawk bawk.