Centre-in buhfai leinan vbch.5 pe

Tualchhung buaina avanga Mizorama sahimna zawnga awm mek leh khuarel chhiatna avanga in leh lo chana hmun him zawka awm mekte chhawmdawlna atan sawrkar laipui chuan Mizoram sawrkar dil angin cheng vaibelchhe 5 a pe.
Chief minister Lalduhoma chuan Union Home minister hnenah sahimna zawnga Mizoram beltute tan hian chhawmdawlna ngaihtuah sak turin a lo ngen tawh a. Union Home minister hian tih sak a lo tiam tawh a ni.
Ministry of Home Affairs chuan 2024 July 18 khan sumfai pekna tur thu hi tichhuakin, Mizoram sawrkar atanga ngenna an dawn angin, ram thenawm leh state thenawma tualchhung buaina avanga sahimna zawnga Mizoram tlanlut leh state chhunga khaurel chhiatna avanga in leh lo chana hmun him lama awm mek, an vaiin mi 45000 vel tan buhfai leina tur cheng vbch.5 ruahman a ni tih a sawi.
ZPM Gen. Hqrs. chuan Mizoram sawrkar hmalaknaa chawmdawlna dawn a ni chu lawmawm an tih thu sawiin, chief minister leh sawrkar laipui chungah mipui aiawhin lawmthu a sawi tih a sawi a ni.