Centre-in rooftop solar scheme

Sorkar laipui chuan rooftop solar scheme, PM-Surya Ghar: Mufti Bijli Yojna chu Rs 75,021 crore sengin, solar plants installation a subsidy Rs 78,000 thleng pek huama vaibelchhe khat in tena free power 300 units an neih theihna tur kalpui a nih tur thu a puang.
Union Cabinet meeting zawh hnuah I&B Minister Anurag Thakur chuan rooftop solar install a chenna in vaibelchhe khat te hnena thla tin electricity unit 300 pekna tur chu kalpui an remtih thu a sawi a.
“Union Cabinet, Prime Minister Narendra Modi kaihhruai chuan PM-Surya Ghar: Muft Bijli Yojana chu chenna in vaibelchhe khat te electricity 300 unit thla khata pek theihna tur chu Rs 75,021 crore senga kalpui a remti” tiin official thuchhuak chuan a tarlang. He scheme hi Prime Minister chuan 13 February 2024 khan a lo puang tawh a ni.
Scheme hian central financial assistance (CFA) chu 2kW system atan 60% system cost leh 2kW atanga 3kW system atan 40% belh a remti a, CFA chu 3kW china reh bun tur a ni thung.
Tuna a man ang chuan 1kW system atan subsidy Rs 30,000 leh 2kW system atan Rs 60,000 leh 3kW system atan Rs 78,000 pek a ni dawn a ni.
Household te chuan he scheme hi an duh a nih chuan National Portal ah subsidy dilin chumi hnuah rooftop solar install theitu tur vendor an hnaih ber chu thlan a ni mai dawn a ni.
National Portal chuan household tena thutlukna an siam theih nan information pawimawh te system len lam te, benefit calculator leh vendor rating etc te an hrilh hre vek bawk ang.
Chu mai bakah household te chuan collateral-free low-interest lian 7% vel chu 3kW residential RTS (rooftop solar) systems an bun theih nan an la thei dawn bawk a.
Hei bakah hian scheme hnuaiah thingtlang hmuna rooftop solar role model turin district tinah Model Solar Village siam a ni dawn bawk.
Urban Local Bodies leh Panchayati Raj Institution te chuan an area ah rooftop solar (RTS) installations kalpui that avangin incentives an dawng thei dawn bawk a.
Scheme-ah renewable energy service company (RESCO) based models payment security component awm bawkin chu mai bakah RTS innovative project fund dah a ni bawk.
He scheme hmang hian householod te chuan electricity bill an humhim theih dawn mai bakah an surplus power DISCOM atanga hralhin sum an la lut thei dawn bawk a. 3kW system chuan thlakhatah electricity 300 units aia tam a thar chhuak thei dawn a ni.
He scheme hmang hian residential area-ah 30 GW solar capacity neih belh ni dawnin chu chuan 1000 BUs (billion units) of electricity a thar chhuak thei dawn a, chuvanga CO2 equivalent emission a tih hniam tur chu 720 million tonnes vel a ni ang a, rooftop solar system lifetime hi kum 25 a ni.
He scheme hmang hian hna 17 lakh vel siam belh ni dawnin chu chu a manufacturing, logistics, supply chain, sales, installation, O&M leh services dang te huam vekin a ni thung.
He scheme duh te tan https://pmsuryaghar.gov.in ah inziah luh mai tur a ni.