Centre leh Supreme Court inbakkaih leh hmel hle

Sorkar leh judiciary inbeihna thlen ngeina tura ngaih bill chu Centre chuan Ningani khan a pharh a, he bill hmang hian election officer ruatnaah Chief Justice of India chu telh a ni ve dawn tawh lo.
Chief Election Commissioner and Other Election Commissioners (Appointment, Conditions of Services and Term of Office) Bill, 2023 Rajya Sabha-a pharh takah chuan Election Commission officers te chu President chuan Prime Minister, Leader of Opposition, Lok Sabha leh Union Cabinet Minister, Prime Minister-in a ruatte rawtna angin a ruat ang tih a ni.
He bill hian Supreme Court-in March 2-23 judgement a siama Constitution bench-in Chief Election Commissioners leh Election Commissioners te chu Prime Minister, Leader of Opposition leh Chief Justice of India telna panel-in rawtna an siam anga ruat tur a tih chu a tidal hle a. Kha judgement-ah khan parliament-in dan thar a siam hma chuan kalpui tur a ti bawk.
Tun bill pharh takah hi chuan search committee PM kaihhruai Cabinet Secretary leh Centre a secretary dang pahnih telna chuan mi panga an thlithlai ang, a ti a. Chief Electoion Commissioner leh Election Commissioners te chu Government of India a secretary level rank an ni tur a ni, a ti bawk a.
Tuna bill pharh thar hian Supreme Court leh Centre te chu inbakkaihin a siam leh tura ngaih a ni a. Judge appointment chungchang bakah sawi hlawh Delhi services Act angah te pawh Centre leh Supreme Court chu an thu a inhmu lo hle tawh a ni.