MJA Mamit District chuan Champhai DRDO hnuaia hmalakna thenkhat an tlawh.
Champhai district-a DRDO (District Rural Development Office) hnuaia MGNREGS kaltlanga Ruantlang, Zotlang leh Tlangsam Village Council tlawhin, MGNREGS-a mipui inhlawhna leh donation lut atanga an hnathawh an en a. Heng VC-te hian hna an thawk tha in an hmalakna entawntlak an tih thu Mamit MJA hian an sawi.
VC thenkhatin mipui sum thawh tlingkhawm atangin, bawlhhlawh paihna tur lirthei an lei bakah khawchhung inkalpawhna kawng engemawzat an siam a. Job card neitu, eizawnna mumal neilo mi thenkhat tan eizawnna tur ar vulh, bawng vulh leh tuikhuah leh khanghu hmun an siamsak a, mipuiin an chhawr tangkai hle tih sawi a ni.
Mimal eizawnna an siamsak bakah veng thenkhat tan tui tlan tur an la a. VC thenkhat chuan Health Care Scheme kalpui thar an tum tih an sawi bawk.
MJA Mamit District-in an tlawh VC-te hian, hmasawnna hnathawh nan hian job card neituten MGNREGS hnuaia inhlawhna an hmuh atanga an hlawh zaa 50 an thawhkhawm thin tih an sawi a ni.
Champhai DRDO hnuaia VC pathum hmalakna en
Get real time updates directly on you device, subscribe now.