Champion lai Vondrousova a tla!

draw-ah beiseiloh result (upset) lian kan hmu hma hle a, champion lai Marketa Vondrousova chu hriat hlawh lo Spaniard Bouzas Maneiro chuan first round-ah a vaw tla der!
Nikum final-a player tawhkhirh Ons Jabeur hnehtu Czech Vondrousova hian nikum mai khan unseeded player zinga Wimbledon women’s singles trophy la thei hmasaber ni chungin khawvel a rawn barakhaih a, tunah world number 83 Maneiro lakah a title kawl lai a hloh fel der a; kum 21 mi Jessica tan 6-4 6-2 hnehna kha Grand Slam-a a chak vawikhatna a ni thung.
Kum 1994 khan Lori McNeil lakah Steffi Graf a tlawm a, tun hi kha mi hnu, kum 30 chhunga Wimbledon women’s defending champion-in first round a paltlang zawh loh leh vawikhatna chiah a ni.
Kum 25-a upa Vondrousova a tlak leh tak avangin kum sarih chhung chu a zawnin women’s singles champion hmel kan hmu dawn tihna a ni.
Serena Williams kha Venus Rosewater Dish humhim thei hnuhnungber niin, kum 2015 leh 2016 khan title a la zawn.
A thiamna ber khelmual ni lo mah se Polish top seed Iga Swiatek chuan Grand Slam champion ve bawk Sofia Kenin laka harsatna tawk loin 6-3, 6-4 hnehna nen first round a paltlang.
Fifth seed Jessica Pegula pawhin a chipui American Ashlyn Krueger lakah 6-2, 6-0 hnehna changin, Wimbledon first round inkhel dangah Tunisian 10th seed Ons Jabeur chuan 6-3, 6-1-a Japanese Moyuka Uchijima hnehin, American Robin Montgomery hmachhawn leh tur African nula hian kum liamta hnuhnung pahniha runner-up a nihna atangin hma a sawn dawn em kan thlir chhunzawm ang.