Information & Public Relations department leh Mizoram Art Development Society tangdun chuan Chapchar Kut 2023 denchhenin Aizawl Vanapa Hall-ah Art Exhibition an buatsaih a. Painting, sculpture leh thlalak pholan a ni.
Exhibition hawngtu I&PR minister Lalruatkima chuan Chapchar Kut chu Mizoten Kut kan neih zinga kan ngaihhlut ber, pipute hun atanga kan lak urhsun ber a ni, tiin, hemi denchhena Art Exhibition buatsaih a ni chu lawmawm a tih thu a sawi a. Art chu eizawnna tha tak a tling tih a sawi a; kutthemthiamna – thlalak leh lemziak chu uar deuh deuh turin thalaite a sawm.
I&PR department-in chanchinbumite nena thawhhona leh chanchin thar thehdarh bakah art, photo leh film lam hmasawnna tur leh thalaite hmakhua thlir chungin, an tuina leh thiam zawng dap chhuahpui turin society hrang hrangte nen thawhhona tha tak neiin hmasawnna a kalpui zel tih minister hian a sawi a. G20 Summit-a palai lokalte hnenah Art Exhibition hmanga kan hnam ziarang pholanna tha tak kan nei chu hlu a tih thu a sawi bawk.
Chapchar Kut denchhenin Art Exhibition
Get real time updates directly on you device, subscribe now.
Next Post