Chawnpui FC an chak nghal

August 24, Zirtawpni khan Mizoram Premier Legue season 10 khelh tan a ni a. Champion lai Chawnpui FC in MPL 2023-24 tanniah hnehna an chang nghal a. MPL team lian Aizawl FC pawhin hnehna nen bul an tan ve bawk.
Champion lai Chawnpui FC hian RG Stadium-ah Project Veng FC an hmachhawn a, 4-1 a hnehna changin point thum an hmu. Champion lai hian Project Veng FC lakah bul an tan tha viau a, inkhel tan atanga minute thumna lekah Vanlalthanga’n hmahruaina goal a thun nghal. Man of the match a thlan ni zui ta Vanlalthanga hian minute 16-naah an goal hnihna a thun zui leh bawk.
Vanlalthanga goal hnih hmanga si hnih faia hnufual Project Veng FC hian minute 30-naah penalty an hmu a. He penalty hi Andy Lalrinpuia’n a pet goal a, an si phurh a sut then. An si phurh an sut vangin phur viau mah se an phur rei lo va, Chawnpui FC in goal an thun belh leh thuai. Minute 39-naah Lalbiaknia Royte chuan an goal thumna a thun a, 3-1 a hmahruai chungin chawlhlawk an hmang.
Chawlhlawk hnu lamah Chawnpui FC an khel tha chhunzawm a, minute 70-naah Lalhma-ngaihsanga chuan an goal lina thunin, an chakna a nem nghet a. 4-1 a hnehna changin point thum an hlawhchhuak a. |ha takin season thar bul an tan.
Zurtawpnia inkhel hnuhnung zawkah MPL club hlawhtling Aizawl FC chuan Electric Veng FC an hmachhawn a. Si khat faia hnehna changin point thum nen bul an tan ve bawk. Electric Veng FC lakah Aizawl FC chakna goal hi minute 55-naa Lalrinpuia thun a ni.