CHC-a hlankai lawm

W. Phaileng khua chuan an khaw damdawi in, primary health centre atanga community health centre-a upgrade a ni chu Zirtawpni khan an lawm.
He hun hmanpuitu Dampa bialtu MLA, deputy govt. chief whip Lalrintluanga Sailo chuan W Phaileng damdawi in, PHC atanga CHC-a upgrade a ni chu lawmawm a tih thu sawiin, “Hetiang hmasawnna kan hmuha khawtlang anga lawmthu sawi nachang hriat hi kan tih tur pawh a ni ve bawk a. Khawtlangin hmasawnna a neih reng rengin a chhawrtu chu mipui kan ni thin a, vawiina kan damdawi in hmasawnna hi W. Phaileng mai ni lo, a chhehvel khaw tam tak tan malsawmna nise, tih hi kan duhthusam ber a ni,” a ti.