Chelsea in Caicedo la fel

Chelsea chuan midfielder ngaihven hlawh Brighton midfielder Moises Caicedo chu British transfer record ni thei turin an la lut a, kum riat daih contract an ziahpui.
Chelsea hian Brighton hnenah Caicedo manah £100m an pe phawt ang a. A khelh that dan a zirin £15m an pek belh leh ang a. £15m hi a pek belh leh a nih chuan Caicedo manah £115m zet an seng dawn ang a, British a player lei to ber record thar a ni ang.
Brighton hian kum 2021 khan Caicedo hi £4m sengin an la lut a. Kum hnih hnua an hralh leh chuan £96m zet an hlep ta hial. Kar liam ta khan Brighton leh Liverpool te chu Caicedo manah hian £111m in an inrem hman zet a. Caicedo hian Chelsea zawm a duhh zawk si vangin Chelsea nen hian an indawr tha leh a, an indawr fel zui ta a ni.