Thawhtan zan khan Cricket hmanga inelna lian Indian Premier League 2023 final khelh a ni a. Vawi li champion tawh Chennai Supper King chuan mak leh ropui taka Gujarat Titans hnehin a vawi nga nan an champion.
IPL 2023 final-ah hian champion lai Gujarat Titans in an vaw hmasa a, an chetha hle. Over 20-naah run 214 zet an thawkchhuak a, mi pali chiah an out. Champion lai Titans tan hian Sai Sudharsan chuan ball 47 atangin run 96 zet a siam a. Wriddhiman Saha chuan ball 39 atangin run 54 a vawchhuak ve bawk. Mi pali chiah out chunga run 214 zet an thawh chhuah vangin champion nawn leh ngei tura ngaih a ni hman.
Titans in run 214 siam a, target huphurh-awm tak an siam hnuin Chennai Super Kings in an vaw ve tan chauh a, run 4 chiah an siam laiin ruahsur nasa takin inkhel a tibuai. Ruahsur vanga rei tak an chawlh vangin inkhel kalphung thlak a ni a, Duckworth-Lewis method hman niin, over ngaa tihtawi a ni a, Super Kings target hi run 214 ni lovin, run 171 a ni ta bawk.
An target khum ngei tuma tan khawh Supper King hi an champion zo lo teuh hle. Champion turin vawihnih chiah ball vuakna hun an nei tawh a. Mak tak maiin ball hnuhnung pahnihah hian run 10 ngawt an siam a, Wicket ngaa hnehna changin ropui takin an champion ta a ni.
IPL-ah a vawi nga nana an champion thei nan Chennai Supper Kings tan Devon Conway chuan ball 25 atangin run 47 a siam a, Shivam Dubey chuan out lovin run 32 a siam ve bawk.
Chennai Super Kings an champion
Get real time updates directly on you device, subscribe now.
Prev Post
Next Post