Chetsualna thleng vanga nunna chan za a sawmruk chu kum 18-34 inkar : Gadkari
Ningania Lok Sabha thutkhawma Road Transport and Highways minister Nitin Gadkari tarlan danin, ramchhungah kum tin kawngpuia chetsualna avangin mi nuai 1.78 chuang an thi thin.
Heng thi zinga zaa 60 te chu kum 18-34 inkar an ni a, chetsualna hi a tam ber chu dan zawm loh vang niin, lirthei ke hnih nei tam takin helmet an khum loh avangin thihna a thleng nasa hle bawk.
Gadkari chuan question hour neih chhunga a sawi danin, kawngpuia chetsualna thlenga thi nuai 1.78 zinga za a 60 chu kum 18 atanga 34 inkar an ni tlangpui a ti a. Lirthei ke hnih khalh zingah helmet vuah lo an tam hle bawk nia sawiin, heti a ni chung hian dan zawm tha peih lo an la awm reng tho, a ti.
Zawh belhna a chhan danin kawngpuia chetsualna thleng hi Uttar Pradesh state chhungah tam berin, khawpuiah chuan Delhi-ah a thleng tam ber bawk.
Uttar Pradesh state bakah hian chetsualna thlen nasatna hmun hi Tamil Nadu leh Maharashtra in an dawt a, khawpui lamah Delhi chu Bengaluru leh Jaipur in an dawt ve bawk.
Chetsualna thleng vanga nunna chan za a sawmruk chu kum 18-34 inkar : Gadkari
Get real time updates directly on you device, subscribe now.